Thailand ram chhim lam Prakot Khiri Khan District-ah February 28 khan dan lova lut Myanmar mi 118 Thai police ten an man thu hriat an ni.
Heng Myanmar mi 118 an man zinga mi 106 te hi Prakot Khiri Khan District, Bangsphan khawpuia truck ke 6 neia tlan te, tualchhung mi ten an hek avangin Thai police ten an man thu hriat a ni.
Mi dang 12 te hi Prakot Khiri Khan District Hua Sai khawchhung Lakhuihthei huana an biruk laiin an man a. Heng Myanmar mi 118 an man te hi Rakhine State leh Yangon khawpui atanga kal te an nih thu hriat a ni bawk.
“Dan lova lut ru te an ni hlawm a, an man tam zawk te hi Rahine State-a mi te an ni deuh vek a. A man hmasak te hi hmun khat atangin mi 106 , a hnuah mi 12 an man leh a, Lakhuihthei hmuna an man te hi mi 118 an ni a. Heng an man te hi Tak district Mea Sot khawpui mi te an ni hlawm a, a thente chu Malaysai atanga Thai-a Bath 25000 senga lut te an ni a, a buaipuitu commission te an nghah laia man te an ni” tiin Thai-a innghat hnathawka pem tanpuitu pawl Ko Thet Paing chuan a sawi a ni.
An man tak mi 118 zingah mipa 82, hmeichhia 36 te an ni a. Anni hi Myanmar mihring commission pakhatina a hruai te an ni a, Malaysia luh tum te an nih thu hriat a ni bawk.
Heng an man te hi Thai sorkar chuan thubuai ziak lutin Law Wan police station-ah an thawn thu hriat an ni.
Kumin February thla chhung khan Myanmar atanga Thai rama dan lova lut hnathawk mi 800 chuang an man tawh thu hriat a ni bawk.
