Military council foreign Minister leh ASEAN Minister te chu Thai-ah zalen taka Myanmar-a zalenna a hmuh theih dan tur chungchang sawiho turin Thai sorkar chuan a sawm thu Reuter news chuan June 16 khan a tar lang a.
Thai sorkar chuan Mynamar chungchanga palai thiam tak (Diplomacy) ni thei turin ASEAN ram te hnenah lehkha a thawn hlawm a.
Military council chungchanga zalen taka an sawiho theihna turin Thai foreign Minister Don Pramudwinai chuan ama hming sign ngeiin June 18 (Pathianni) hian sawiho tura a ngen thu June 14 khan ASEAN-ah lehkha, a thawn tiin Reuter news chuan a tar lang a.
He a lehkhathawn hi June 16 khan an dawn thu leh sawiho an tum thu news 3-in a tar lang a. Thai foreign Minister chuan thu pawimawh hnutchhiah turin a ngen bawk a ni.
Hemi chungchangah Reuter news chuan Military council te a zawtnaah eng mah an chhan loh thu a tar lang a.
Thla kal taa ASEAN Meeting-ah khan Myanmar Military council-te an tharumthawhna chu titawp turin an ngen tawh a. Hun hmasa lam pawh khan ASEAN Meeting-ah Myanmar Military council atanga palaite an sawm tawh lo bawk a ni.
Thai sorkarin sawiho tura a sawmnaah hian ASEAN Chairman (Indonesia mi) a tel dawn loh thu Reuter news chuan a tar lang a, Indonesia foreign Minister erawh chuan he sawmna lehkha hi kan hre ve lo tiin a chhang ve thung a ni.
Singapore foreign Minister an zawhna chhangin Myanmar chungchangah tuna ASEAN sawihona te pawh ni se, foreign Minister hrang hrang hrang te kal khawmnaah hian Myanmar Military council lam an tel ve a la hun lo tiin a sawi a ni.
Thai sorkarten hetia an huaihawtna chhan chu Myanmar danpui leh ASEAN ngaih dan inpersan thu te a ni a. HRW Asia Affair Deputy Director Phil Robertson chuan hetia Thai foreign Minister-ina a sawm khawmna hi a dem hle thu Reuter news chuan a tar lang bawk a ni.
