Thai, Deputy Prime Minister ni bawk Foreign Minister Mr. Don Pramudwinai huaihawtnain an palai te nen July 9 khan Naypyitaw khawpuiah a rukin an thleng thut a, Military council puipa ber Sr. General Min Aung Hlaing nen an inkawm thu BBC Media-te hnen atanga hriat a ni a. He an zinna hi ASEAN Foreign Minister-te an Meeting hma, lehlanga ram pahnih inbiakna niin News-a tar lan loh a ni a. Thai sorkar thar inthlak tur hnaih dawna thil thleng boruaka zin an nih thu palai thenkhatte hnen atanga hriat a ni bawk a. Thai Foreign Minister hian kumin April thla khan Naypyitaw khawpuiah zin tawhin Sr. Gen. Min Aung Hlaing nen an lo inkawm tawh a. He an inbiaknaah hian Myanmar, Thai leh Lao ramri-a mei khu tihtlem dan te, ram pahnih inkar remna leh muanna a awm theih nan te, human trafficking te, ruihtheihthil tawlh ruk leh ralthuam tawlh ruk te a rem theih nan an sawiho tawh thu Military council-ten an thuchhuahah an tar lang a ni. Thai Foreign Minister Mr. Don Pramudwinai hian tun tum chauh loh pawh, kum 2021 November pawh khan Naypyitaw khawpuiah an rukin an lo zin tawh bawk a ni. Thai Foreign Minister Mr. Don Pramudwinai khualzin thut chungchangah Thai Foreign Minister Mr. Don Pramudwinai thupuangtu chu BBC Media-ten an zawhnaah chhanna a awm loh thu hriat a ni.
