Thailand-in an hmalakna kal zel Thai, Myanmar leh Lao ram 3 te inkal pawhna No.12 kawngpui chu zawh fel a nih thu Thai sorkar thupuangtu Anucha Burapachaisri chuan June 7 khan a sawi a.
He kawngpui hi Myanmar atangin Vietnam panna kawng mel 1000 thleng a hawlh tlang bakah Thai-ah mel 492 thleng a hawlh tlang bawk a. Myanmar atangin Andaman Sea thlengin a pawh tlang bawk a ni.
He inkal pawhna kawng siam atang hian chhak leh thlang insumdawn tawnna 50%-in a awlsam phah dawn a ni tiin Thai Finance Minister chuan a sawi a.
He kawngpui hi Thai atangin Myanmar-Myawadi, Thai-Mae Sot inkar No.2 Lei atangin SuKuThai leh PainSanaLoh State telin State 7 a pal tlang a, Mukdahan State atangin Thai-Lao Lei thleng a pawh bawk a ni.
He kawngpui avang hian Thai, Mukdahan State hi sumdawnna hmunpui a nih theih thu Thai thuneituten an sawi bawk.
