Pagu region, ThanTaPin township-a inkah buainaah Military council sipai 20 an thih bakah Military council sipai officer mi 3 an man thu PDF Battalion te leh sipai pakhatten Yangon Khit Thit Media hnenah an hrilh a.
May 10 zing dar 10:00 vel atangin chawhnu dar 5:00 thleng khan ThanTaPin township, NgyangPinTa khaw bulah KNU, PDF tangrualte leh Military council sipaite an inkahnaah Military council sipai 20 aia tlem lo an thih bakah Military council sipai officer 3 an man thu hriat a ni a.
He inkahna avanga Military council sipai ruang te hi NgyaungPinTa khuaa chenna in hmun thenkhatah an phum thu leh khawchhung naupang 7 telin tualchhung mi 17, Military council sipaiten an hal hlum thu hriat a ni bawk.
“May 10 zing dar 10:00 atangin zan dar 5:00 thlenga vawi 5, an inbeihnaah Military council sipai 20 aia tlem lo an thi a, mi 10 chuang an hliam a. Military council sipai officer 3 an man a. Military council sipaite thi leh hliam an awm avangin naupang 10 telin tualchhung mi 17 an hal hlum thu hriat a ni a. Military council sipai ruang te khawchhung huan thenkhatah an phum nual” tiin tualchhung PDF sipai pakhat chuan a sawi a ni.
