Chin State, Thantlang khuaah January 29, chawhnu dar 3:00 vela Military council Helicopter thlawk lai, CDF-Thantlang leh CNA an kah rawn a, a chhiat nual thu hriat a ni.
Thantlang khaw chungah Military council Helicopter a thlawh laiin Revolution beitu ten an kah rawn a, an kah fuhna atangin mei khu a chhuak nasa a, Halkha khaw lamah a pan a, Military council camp 266 awmna Run tlang-ah a tum ta a ni.
“Janaury 29 chawhnuah Military council Helicopter 2 a thlawk kual a, a pakhat zawk Revolution beitu ten Drone hmangin an kap a, an kahna fuh atangin mei khu a chhuak a, Halkha khaw lamah a tlawk” tiin Chin Journal-a mi pakhat chuan a sawi.
He Military council Helicopter hi Halkha khua Military council camp 266-a, a tum ve leh an buaipui nghal thu hriat a ni.
Janaury 29 khan Thantlang townsip-ah Military council sipai ten chung lam atanga beihna awm lo mah se, Halkha township, Timit khaw kiangah Helicopter pakhatin CDF-Hakha te an beih thung a ni.
He inbeih tawnnaah hian Revolution beitute lamah thi leh hliam an awm loh thu CDF-Hakha chuan Janaury 29 khan a thuchhuahah an tarlang.
