Yangon khawpui Swe Pyi Ta factory, Primark hming chuanna China mite thunun thawmhnaw thuina hmunpui pahnih February 28 khan an khar thut avangin hnathawktu mi 2000 chuang hna atanga an chawlhsan thu Yangon khawpuia innghat hnathawktu insuihkhawm lian STUM ten an social media-ah February 28 khan an tarlang a ni.
Yangon region, Swepyita (Sui Pi Ta) township-a China mi te thunun Wa Ta Ya factory-a Guo Tai Garment Industrial Park leh GY Sen thawmhnaw thuina hmunpui 2 chu February 28 khan an khar a. March thla thleng oder thenkhat te an chhunzawm dawn thu STUM Chairman Daw Myo Myo chuan a sawi a, hnathawktu mi 2000 chuangin hna nei lovin an awm thu Daw Myo Myo chuan RFA Media a hrilh a ni.
“La chhuak rih lo chambang ten March thla ral hmain an la chhunzawm dawn a, Hna nei lo mi 2000 chuang vel an awm dawn a. Keini GTIG factory atangin mi 1200 kan awm a, GY Sen lamah mi 1000 chuang vel an awm” tiin a sawi a ni.
Military council ten thuneihna an lak kum 2 hnu hian hnathawh tur nei lo chhawmdawl thin hnathawktu pawl lian 16 te Military council ten phalna nei lo pawl te tiin an puang a ni.
Khawvel ram hrang hrang hnathawktu insuihkhawm pawl (ITUC) ten an sawi dan chuan kum 2022 chhungah international level-a hnathawktute zah lo ram 10 zingah Myanmar a tel thu an tarlang a ni.
Military council ten thuneihna an lak kum 2 hnu hian Myanmar-ah sumdawnna a harsa chho zel a. Swe Pyi Ta leh Hlaing Ta Ya khawpui telin Yangon Sin Chi khawpui leh township 8-a, mihring hmun lia then hmun 1 te, kum 2 chhung pumhlum hna nei lova harsatna an tawh thu Yangon-a NLDP Sub Office chuan February 16 khan a thuchhuahah a tarlang a ni.
He thuchhuah hi township 8-a mi 3000 chuang an zawhna atanga thuchhuah an nih thu UNDP chuan a tarlang a ni.
