Sagaing region, Thigyaing township, Kyauakhmaw khuaah Military council ten March 9 khan an luhchilh a, chenna in 500 vel an hal kan thu tualchhung mi ten an sawi a ni.
Military council sipai 60 rual ten March 9 tuk khan khawchhungah silaiin an kap chiam a, tlai lamah In an halt hu tualchhung mi pakhat chuan a sawi a ni.
“Zinga an kah tumin tualchhung mipuite Buddhist puithiam awmna biak inah an tawm a, an dang bawk a. Tlai lamah Kyaukhmaw khuaah pawl 3-ah insemin petrol kengin In an hal” tiin an hmuh thu a sawi a ni.
Kyaukhmaw khua hi In 300 awmna niin mihring 1200 chuang awmna khua a ni a. Military council sipai ten an hal hnu March 9, chawhnu khan PDF ten bomb kam hmangin an beia thi leh hliam an hriat rih loh thu PDF pawl ten an sawi a ni.
Military council operation te hian March 10 ni khan Thigyaing township Zi Kone khuaah buk an khuar thu tualchhung mi ten an sawi a ni.
He inkah buaina chungchangah hian Sagiang region-a Military council thupuangtu Social Affairs minister U Aye Hlaing, FRA Media-in an zawhnaah chhana a awm rih lo a ni. Hun hmasaa Sagaing region-a buaina chungchangah FRA Media ten U Aye Hlaing, an lo zawhnaah an chhang duh tawh lo a ni.
Chhui mi pawl lian tak Data for Myanmar ten kumin 2023 February 10-a an thuchhuah danah chuan Military council ten thuneihna an lak hnu, kum 2 chhung hian Sagaing region-ah chenna in 43292 an hal chhe tawh a ni.
