Magwe (Ma Gui) region, Thilin township ni tlakna lam Public Administration Office (Pah Ah Phah) April 20 chhun dar 12:00 vel khan Jet Fighter-in an bomb a, Pah Ah Phah sipai 3 an boral a, mi 12 an hliam thu hriat a ni.
Mandalay khawpui Tadar Oo Airport atanga thlawk chhuak Military council Jet Fighter pakhatin vawi 2 a bomb-naah bomb 3 a tla a, Pah Ah Phah Office a kang chhe vek a. Pah Ah Phah sipai mipa 2 leh hmeichhe 1 an boral a, mipa 4 leh hmeichhe 8 an hliam thu hriat a ni bawk.
He boruak avangin April 21 khan Military council sipaite leh Phyusawhti 150 rual ten an luh chilh leh avangin khaw 16 vela tualchhung mipui 5000 chuang an tlanchhe hlawm a ni.
Military council sipai ten Thilin khawpui an beih hma pawhin Internet leh phone a hman theih tawh lova, vawiin thlengin a la chhiat zui zel thu hriat a ni bawk.
Hemi ni vek hian Military council sipai ten operation an neih avangin khaw 16 vela tualchhung mipui an tlanchhe nual a, Pazin Chuang khua leh Pongna khua a khawpum deuh thaw an hal thu hriat a ni.
