Magwe (Ma Gui) region, Thilin township huam chhunga Military council sipaite operation mekte Aung Myauk (Awng Miauh) khaw bulah Gangaw Battalion-te leh YRA Thilin PDF ten an beih rawnnaah Military council sipai 7 an thih thu YRA Thilin pawlten an thuchhuahah an tar lang a.
May 4 khan Kyauk Thuh khua atang chhuak Military council sipai 70 rualte leh Swe Aung Thar (Sui Awng Ta) khua atanga chhuak Military council sipai 60 te, Gangaw District Battalion 15,16,17, YRA Thilin leh Gangaw Battalion 18 YNRF tangrualten an beih rawn thu hriat a ni a.
“Minute 20 chhung vel kan inkap nasa khawp mai a, Military council sipai 7 an thih hnuah kan hre zui tawh lo. A hnuah Aung Myauk khuaa hliamte an enkawl laiin an au thawm an sawi kan hria” tiin YRA Thilin Battalion-a thuneitu pakhat chuan an sawi a.
Minute 20 chhung an inbeih lai hian Military council sipaiten Thlawhnain an rawn puih avangin kan hnung tlawhsan tiin YRA Thilin Battalion-ten an sawi.
PDF-ten kan kirsan hnu hian tualchhung veng himtu pawlten ralthuam liam 7 an kap chhuak leh a, a hnuah Military council sipaite thi leh hliam an awm nual thu YRA Thinlin-ten an sawi a.
“Kan kirsan hnuah ralthuam lian nena kan beihnaah thi leh hliam an awm nual mai thei a, PDF lamah chuan thi leh hliam an awm lo” tiin a sawi zui a.
April 20 khan Thilin township Administration office (Tlak lam) Military council sipaiten Jet Fighter-in an bomb a, PDF sipai 3 an boral a, mi 9 an hliam thu hriat a ni bawk.
