Thuneihna lak hnua Dan bawhchhiaa thiltih finfiahna maktaduai chu UN-in dawng tawh

0

Myanmar ramah Sipaiin thuneihna a lak hnuah civil mite chunga dan bawihchhiatna leh ruahmanna nei tlapa a thil sual tihte hmuh theih a nih thu UN hnuaia Myanmar ram enthlatu pawl IIMM-in a sawi thu AP news-ah tarlan a ni.

IIMM (Independent Investigative Mechanism for Myanmar) pawlin thuneihna pawng lak, February ni 1 atangin Myanmar ram chhung mipui chungah dan bawhchhiaa thil sual tihna hrang hrang finfiahna khawlkhawm tawh maktaduai 1 leh a chanve vel a awm tawh a. Chung zinga International dan bawhchhiatnate chu thuneituten mawhphurhna an lak hun a la awm dawn thu IIMM lamin an sawi a.

IIM lam tarlan dan chuan sipaiin thuneihna an lak hnu chawlhkar 6 chhungin emaw a hnu lawkah tharumthawhna hmangin kawngzawhte chu sipai ralthuam keng pawlin tukdawl an tum dan a hmuh theih a. Chutih rualin military council chuan opposition party mi leh sate, health worker te leh journalist te chu dan lovin an man zui a. IIMM pawlin finfiahna a dawn zingah video, thlalak, office lama indawpna leh social media lama thehdarh te a ni a; chung finfiahna chi hrang hrang atangin tuten nge thil sual tih chu hailan theih a ni ang, tiin IIMM hotu Nicholas Koumjian-an a sawi chhuah thu AP news-in a tarlang a ni.

Share.

Leave A Reply

Exit mobile version