April 24 tuk khan Military council sipaiten Sagaing region, ThiCheih township TawMa khua, WeyGyi khua leh MaYa Thein khua telin khaw 5-ah Thlawhnain vawi 6 an bomb a, tualchhung mipui 3000 chuang in leh lo an tlansan thu tualchhung miten RFA Media an hrilh a.
TawMa khau leh MaYa Thein tlang karah Thlawhnain vawi 2, WeyGyi khua leh PhonKan khaw inkarah vawi 2, TawMa khaw kiangah vawi 2 an bomb thu ThiCheih khuaa security tualchhung hming thup pakhat chuan FRA Media a hrilh a ni.
“Myitgyina (Mit Chi Na) khaw lam atangin vawi 5, Tadar Oo khaw lama atangin vawi 1. Helicopter-in an bomb a. Thil awm dan kimchang kan sawi thei lova, tualchhung mi an tlanchhe nual a, TawMa khua an hal bawk a, mei alh khu kan hmu thei a ni”.
TawMa khaw bulah PDF te leh Military council sipai 120 rual vel, ni 3 chhung an inkah thu a sawi bawk a.
April 24 tukah pawh khan Military council sipaiten chung lam Thlawhna atangin an bomb chiam thu tualchhung miten an sawi bawk.
Hetia Military council sipaiten an beihna chungchangah Sagaing region Military council thupuangtu Immgration U Aye Hlaing RFA Media ten Phone hmanga an zawhnaah chhanna a awm rih lo.
Military council sipaiten Thlawhna hmangin tualchhung mipuite a la bomb chhunzawm zel a. April 11 pawh khan PaZinGyi khuaah Military council sipaiten bomb an thlak avangin naupang, kum upa, raipuar telin mi 168 an boral tawh bawk a ni.
