Sagaing region, Thi Chianh township-a Set Pyi khua leh Ngiuang Pin Ta khuaah March 28,30 khan Military council sipai ten an luhchilh a, chenna in an hal nual thu Thi Chianh tualchhung mi ten RFA Media a hrilh a.
March 27 khan Military council sipai 100 rual ten Kan Ni khua an phulchil hnuah March 28 chawhnuah Set Pui khua an luhchilh a, chenna in 60 chuang an hal thu Thi Chianh khuaa security zinga hming thup pakhat chuan RFA Media heti hian a hrilh a ni.
“In 100 chuang awmna a chanve an hal a. A haltute an tlanchhuah tawh hnuah khua an kir leh hlawm a, kangmei tuar ten Bawkte an khawh” tiin a sawi a ni.
Set Pyi khua haltu Military council sipai ten March 30 tuk khan Ngiuang Pin Ta khua an hal thu a khaw chhehvela hmutu tualchhung mi pakhat chuan RFA Media a hrilh a ni.
Ngiaung Pin Ta khua hi in 800 chuang vel awm na khua a ni a, police station, High school leh Clinic te awmna khua a ni a.
Hmutu ten an sawi dan chuan a khawpum an hal chhia a, an hloh zat erawh an hriat chian rih loh thu an sawi.
He buaina chungchangah hian Sagaing region Military council thupuangtu immigration minister U Aye Hlaing, RFA Media ten Phone-a an zawhnaah chhanna a la awm rih lo a ni.
Military council thupuangtu Major General Zaw Min Tun chuan mipui ten chenna in an hal thin a, keini hal a ni lo PDF te hal a ni tiin a hnial ve thung a ni.
Data for Myanmar ten an chhinchhiah dan chuan kum 2023 January 28 thleng khan Sagaing region-ah chenna in 47000 chuang an halchhe tawh niin an tarlang a ni.
