Chin State, Halkha leh Thantlang khaw inkar Timit phai-a inbeihnaah CNA sipai 3-te June 6 khan ram tan an nunna an hlan thu hriat a ni a.
Timit phai zawlah hian CDF tangrualte leh Military council sipaite May thla chawhnu lam atang khan an inbei tan a. He inbeihnaah hian Military council sipaiten ralthuam lian an kah chhuah bakah Thlawhna atangin an bomb thu hriat a ni bawk.
June 6-a inbeihna chungchangah chanchin kimchang tak hriat chian a ni lova, CNA sipai 3, ram tan an nunna an hlan thu CNF news chuan a tar lang a ni.
June 5-a inbeihnaah khan CDF-Zophei sipai pakhat a boral thu hriat a ni a.
May thla ral hnu velah khan Timit phaitual-a inbeihnaah Military council sipaiten ralthuam lian an hman avangin CDF tangrual pawl zinga sipai 12 an boral thu hriat a ni a.
Chawlhkar 2 chhunga Timit phaitual vela inbeihnaah Military council sipai 30 chuang vel an thih thu hriat a ni a.
Military council sipaiten Thantlang khua thunun leh an tum avangin Halkha khawpui atanga Military council sipai pawl 2 te chu Halkha leh Thantlang khaw inkar, Timit phaitual chuanchung leh chuanhnuai chhehvelah CDF tanrualten an beih rawn thu hriat a ni bawk.
