Chin State, Mindat township-ah tualchhung thuneihna kengkawhtu ber Chin National Council (Mindat) pawl lian tak din a nih thu Mindat township-a Public Administration-ten an thuchhuahah an tar lang a.
Tun dinhmunah hian Military council te beihnaah tluang taka hmalak zel a ni a, pawl lian tak pakhat din tula an hriat avangin August 6 khan, din a nih thu Mindat township, Public Administration thupuangtu Ko Yaw Han chuan heti hian a sawi a ni.
“Politic tel lovin revolution a khelh theih loh. Nakin lawka Federal Democracy hi eng tin nge kan kal ang a, NUG-ten eng tin nge an sawi ang. Mipui sorkar leh State sorkarten anmahni thu ngawtin hma an la thei mai lova. Chuvangin, Chin National Council chuan CDM pawl te, Defence pawl te, khaw nu leh pa te, tualchhung mi thiam leh revolution te bakah ram chhung leh pawna ram kalsiam tura hmalatu zawng zawng te insuihkhawm pawl, ram hruaitu pawl te an ni” tiin Ko Yaw Han chuan a sawi a ni.
Chin National Council te chuan ram chhung dan leh hrai, Federal Democracy kalhmang leh human right bakah rualkhai taka mipui chunga rorelna dan leh hrai te hmalak an tum thu hriat a ni a.
Chin National Council-Mindat te hian ram chhung leh pawna revolution beitute insuihkhawm hmanga din a nih thu hriat a ni a.
Mindat township-a kum 2 chhung revolution a beihnaah hian inawpna, dan leh hrai, human right leh mipui chunga an hmalakna kawngah ram chhung leh pawna mi te thawhhona a nih thu Mindat township, Public Administration-ten an thuchhuahah an tar lang a ni.
