Ram chhungah Tuialhthei hman tur khaihlak lo mah se, ram dang atanga tuialhthei lei chungchangah harsatna a awm thu Myanmar, tuialhtheih thawnchhuaktu Secretary U Win Myint chuan BBC a hrilh a.
Ram dang sum hman tur harsatna tiamin ram hrang hranga tuialhthei lei chungchangah rokhawlhna a awm thu a sawi tel bawk a ni.
Tun hnai lawk atangin chawlhkar khat chhunga Thawhtanni, Nilaini leh Zirtawpniah hian Central Bank atangin ram dang sum zawrh chhuah a tum thu an hriat avangin ram danga tuialhthei lei chungchangah a ziaawm phah dawna rin thu, hnathawktu pakhat chuan a sawi a.
“Kan khaihlak ka ring tawh lo. Kan harsatna te chu kan thawhpuite nen kan sawiho dawn a, a ziaawm tawh ang” tiin U Win Mynit chuan BBC a hrilh.
Nimin piah lawk atang khan Yangon tiamin khawpui hmun thenkhatah bithliah neiin tuialhthei an zawrh chhuah avangin a khaihlak titih a, an thlaphang hman hle.
Nimin pawh khan Yangon khawpui chhunga Petrol Pump Dawr pakhatah Octane (95) zawrh a nih thu a leitu zinga mi pakhat hnen atanga hriat a ni.
Hmun thenkhatah chuan Octane (95) hi lei phal chin an nei a.
Tuialhthei zuartute hian a zawrhna rate leh a lakna rate-ah a danglam thin avangin harsatna a thlen thei bawk.
Nimahse, April 19 khan Octane (95) liter 1, K.2000 atangin K.2200, Petrol pangngai (92) liter 1 hi K.1900 atangin K.2000-a zawrh chhuah a ni.
Ram chhunga tuialhthei khaihlak chungchang leh hmun hrang hranga harsatna an tawh dan te chu BBC-a thawktu te hnenah englai pawhin News pek theih reng a ni.
