Daw Aung San Suu Kyi thubuai chungchangah, a Ukil zinga pakhat hnenah Sipai ten Media mite zawhna hi chhang lo turin an ngen nasa hle a, dan pangngai anga thu puan zar zel an tum thu Daw Aung San Suu Kyi, Ukil U Khin Maung Zaw chuan vawiin khan RFA a hrilh.
Hemi chungchangah hian Neypyidaw khawpuia cheng mek Daw Aung San Suu Kyi te Ukil mi 5, U Khin Maung Zaw, Daw Min Min Soe, U Te Maung Maung leh Yangon-a khawsa mek U Kyi Win leh Daw San Ma La Nyiut te an tel a.
Yangon-a cheng mek Daw San Ma La Nyiut hi a chenna township Administor Office-a hruai a, ram chhung leh pawn chungchangah Media ten interview lo turin leh ram chung mite nen eng pawlah mah a inhnamhnawi loh thu rinawmna thu a sign tawh tiin Ukil U Khin Aung chuan a sawi. Ukil dang mi 4 te chu chutiang a, an awm loh thu a sawi bawk.
Daw Aung San Suu Kyi thuhlaah hian kei chuan ka zawt a, court-a an inlan chungchangah pawh ka post zel bawk a, thil danglam erawh ka ti lem lo.
A hma kha chuan Court-a a inlan zawh apiang hian Neypyidaw-a Ukil U Khin Maung Zaw inah ram chhung leh pawn Media mite nen interview nei thinin Social Media lamah puan zar a ni thin a. He boruakah hian Military council ten khap em em lo mah se, Military Security ten Media mite enthlak leh an vilven thin an nih thu Neypyidaw base Media thenkhat ten an sawi.
Neypyidaw khawpuiah hian covid-19 a hluar tak avangin Military council ten Daw Aung San Suu Kyi, court-a inlanna hmun, Zamu Thirih township leh Ukil U Khin Maung Zaw awmna Pinmana township-ah Stay at Home an puan avangin hunbi tiama intlawh pawh theih chauh a ni. Chuvang chuan Court lan zawha Ukil U Khin Maung Zaw te ina Media mite inhmuh khawm a theih tawh loh thu Media mi pakhat chuan a sawi.
Hemi karah hian Military council ten covid-19 chhuanlamin Daw Aung San Suu Kyi, court-a inlan hun sawn avang leh pakhat leh pakhat inpawh tawn thei lohna hi thla khat lai a nih tawh thu hriat a ni.
Hemi karah hian State Counsellor Daw Aung San Suu Kyi, awm tawhna Zamu Thirih township, Ziyah Tidih Ward, Myanan Bongtaa kawng, Huan No.33 (A)-a Suu Kyi-i thil pawimawh te chu tun August thla tir khan sipai ten an sawnsak vek tih thawm a awm a. Khawi hmunah nge an dah tih pawh hriat a ni lo.
May ni 24 khan State Counsellor, Daw Aung San Suu Kyi hi Court-a inlan tura chhuah hmasak ber niin kar khat hnuah a tira a awmna Huan No.33(A)-ah a chenpui te nen sipai ten an dah a. Tunah hian Daw Aung San Suu Kyi leh a chenpui mi 8 leh a ui duat em em Taih Chi Too te nen an khawsa mek.
February ni 1 tuk, Military council ten Daw Aung San Suu Kyi awmna Huan No.33(A) an luhchilh khan Suu Kyi leh mi dang an man nual a. Daw Aung San Suu Kyi, Bodyguard, Gate vengtu leh Suu Kyi pindan pawimawha inbiakna khawl, Jumber te an hmuh avangin Transport leh import Section 8 leh Communication Section 67 hmanga thubuai awrhtir a ni.
July ni 12 khan Daw Aung San Suu Kyi, Court-a inlan tum khan Neypyidaw Headquarters atanga sipai lam mi leh saten February ni 1-a Suu Kyi chenna in, an dap khan Warrant tel lova an dap thu court-ah an sawi chhuak tawh a.
February ni 1, atanga Military coincil ten Daw Aung San Suu Kyi mana an khungna hi ni 193 a ni tawh a. Sipai ten sorkarna an lak hnu hian Daw Aung San Suu Kyi hi kum rei tak lung in tantir theihna Myanmar case thuruk section 3-1(c), hlemhlet dona section 55 tiamin thubuai 9 zet an awrhtir a. Military council ten case hmanga action an lak tak tak chuan kum 40 chuang zet Jail bang an zut thei a ni.
