Magway (Ma Gui) region, upper Minhla township, MiLaungKone village tract, Ye Yin Asho Chin khua chu April 11 khan Military council sipai Brigade 88-ten revolution beitute kan tanpui dawn tiin a khaw pum chenna in an hal chhe nual a, Buddhist biak in telin a kal ral nual bawk a ni.
He khuaa tualchhung mipuite chu an khua atanga mel 10 vela hla leilet hmun velah Thlam sain an awm nawk nawk hlawm a. Hun a rei deuh tawh avangin ei in leh damdawi bakah silhfen te tanpui an mamawh hle a. Heng bakah hian Fur hun a hnaih tawh avangin Thlam chung khuhna, chhuatphah, puan, thosilen ten thil pawimawh dang an mamawh zual hle thu hriat a ni bawk.
Military council sipaiten Ye Yin khua an hal hian chenna in 19, Buddhist biak in 1, Bike 3, Solar plat 4 leh DV pahnih te a kang chhe vek a ni.
