Thuneihna latu Sr. Gen. Min Aung Hlai nen inbiakna hlawk thlak tak – Covid 19 chungchang, mipui chawmdawlna pek chungchangte chu sipai hruaitu dangte nen pawh inbiakna neih a nih thu Bill Richardson, US Ambassador hlui chuan a sawi a.
Mahse, Mr. Richardson-a Myanmar ram chhung zin report chuan military council chu official sorkar anga ngaih theihna leh human rights lam atangin engmah hlawkna a awm loh thu Human rights pawl leh activtist-ten sawiin an sawisel zui tih New York Times chanchinbu chuan a tarlang a ni.
Richardson chuan sipaiin thuniehna an lak avangin mipui maktaduai 55 awmin an tuar vek ang tih chu ka ring lo, mahse, thuneihna lak hnuah thihna, tawrhna a thleng reng a, chu chu tuemawin an tanpui ang tih erawh chu kan ring tlat a, tuna ka kal chhan pawh hi mipui tanpui tura kal zawk kan ni tiin a sawi a.
Sipai hotute hnena a ngenna angin ama NGO pawla lo thawk tawk pakhat man tawk chu General Min Aung Hlai-an a chhuahsak thu a sawi a; mahse, US Journalist tang mek Danny Fenster tela tangte chhuahzalen tur leh Daw Aung San Suu Kyi nena inhmuh theihna lam hawi, ngenna a siam loh thu a sawi bawk a ni.
