US, Tlawmngai Pawl, Peace Corps Ten, Myanmar Tana An Hnathawhna An Chawlhsan

0

Myanmar-ah Military Council ten sorkarna an pawng lak hnu hian boruak a ralmuan loh avangin US, tlawmngai pawl Peace Corps te chuan an hnathawh an chawlhsan dawn thu an thuchhuahah an tar lang. Ram chhung, a ralmuan loh avang leh ralthuam hmang te an awm nual a, sahimna zawn a tul tak avangin hna an chawlhsan rih dawn thu Peace Corps pawl Officer Carol Spahn chuan Thawhtanni khan thuchhauh an siam thu a sawi.

Peace Corps tlawmngai pawl te chuan Myanmar ram chhungah thawk thei dawn lo mah se, ram hrang hrangah hriselna leh hmun ralmuanna hmunah an thawk chhunzawm zel dawn a. Myanmar-ah boruak a tha chho zel a nih chuan thawh chhunzawm a nih leh dawn thu a sawi.

Peace Corps pawlte hi kum 2016 atang khan Myanmar-ah hna thawk tanin Covid-19 avang khan chawlh lailawk an ni a. Kum 2020 March thla thleng a, English Speaking zirtir tura mi 87 tirhte an ni.

Peace Corps tlawmngai pawl lian zet te hian ram hrang hranga tanpui ngaite tanpuitu pawl niin kum 1961 khan US President, John F Kennedy khan a din a. Khawvel ram 142-ah tlawmngaia hnathawktu mi 240000 (Nuai 2 leh sing 4) chuang an tirh chhuak tawh a ni.

Share.

Leave A Reply

Exit mobile version