Chin State, Falam township, Var khuaa Military council sipaite camp kum 2023 April 11 tuk khan CNDF ten an laksak tum khan Captain Kaung Myat Tun (Kong Miat Thun) telin Military council sipai 15 a nung chungin an man a.
Heng an man zinga Military council sipai Zaw Thet Aung chuan Yangon khawpuiah hnathawk tura ka chhuk thlak tumin ka pawisa min laksak vek a, mangang taka ka awm laiin Military council sipai pakhat ka in hmu thut a, tanpuina ka dil a, an sipaite hnenah min hnuk lut tawp tiin a sawi a.
“Min pui thei ang em ka tih laiin min hruai tawp a, min hruaitu nen min khuahkhirh nghal a. Captain pakhat chuan Military council sipaiah i inpe dawn em tiin min zawt a, ka lut duh lo tiin ka chhang a, mi hektu (Da-lan) i ni em tiin min zawt a. DaLan chu eng nge a awmzia tiin ka zawt leh a, DaLan chu Intelligent tihna a ni tiin min khung nghal a, hemi ni atangin Military council sipaite hnenah kan awm ta a ni” tiin Military council sipai Zaw Thet Aung chuan a sawi a.
Hetiang vek hian Way Yan Thet pawh Revolution beih chhunga kawng an zawhnaah an man a, Lung in tan a duh loh avangin Military council sipaite hnenah an inpek thu a sawi bawk a.
Var camp an beihnaah hian Military council sipai 11an thi a, ralthuam tam tak CNDF ten an laksak hnuah Military council sipai 15, International dang anga an man bakah tha taka an enkawl zui thu hriat a ni a.
Heng Military council sipai an man te hian Revolution beitute chungah an innghah thu leh unau anga an ngaih bakah thawhho zel an huam thu hriat a ni bawk.
Heng bakah hian an kir leh hunah pawh camp-a awm tawh lo turin leh Military council sipaiten Tang ina an khung leh theih avangin hmun him zawka an awm a tul thu an man zinga Captain Kaung Myat Tun chuan a sawi.
Tuna an man zawng zawng te hi CNDF ten him takin an enkawl mek a, he boruak tawn chungchangah mipuiten mak an tih thu leh Military council-te chungchangah fimkhur a tul thu an hriattir bawk a ni.
