Chin State, Falam township, Manipur luipui kama awm Var khuaa Military council sipai camp, April 10, zing dar 5:30 vel atang khan CNDF ten luhchiha an beih hnuah camp an laksak a, ralthuam tam tak an laksak thu hriat a ni.
Var khuaa tualchhung mi pakhat hliam nia hriat a ni a, nemnghehna chiah a la awm rih lo.
Heng avang hian Falam khuaa innghat Military council sipai 50 rual ten April 10, zing dar 7:00 vel khan police outpost awmna Var khuaah an chhukthlak thu hriat a ni bawk.
April 9:10 vel khan Jet fighter pakhatin Var khua leh Cong Hin khaw inkarah bomb vawi 6 an thlak thu hriat a ni a, chung lamah Thlawhna a vei reng niin an sawi bawk. He chanchin ziahlai hian tualchhung mi thi leh hliam an awm thu hriat a ni bawk.
