Vice President Hennry Van Thio, Naypyidaw khawpui Hospital-ah enkawl mek a ni

0

Myanmar Vice President 2, hna chelh mek Pu Hennry Van Thio, January 31 tuk khan a chenna inah a tluk thut avangin Naypyidaw khawpui khum 1000 awmna Hospital-ah zing dar 11:00 velah an thlenpui vat thu damdawi ina awm mi pakhat chuan a sawi.

“Tuna an awmnaah huan khawl leilawn a awm lova, leilawn pangngai chauh a awm a. A nal avangin a tawlhtlu a. a lu a sawh pawp a, a lu a hai deuh a . Room hranah an dah a, police duty te pawh ka hmu nual” tiin a sawi.

Pu Hennry Van Thio hi Military council ten thuneihna an lak hnu khan a awm chin hriat loh a ni a. Military council ten Daw Aung San Suu Kyi (Awng San Suh Chi) Thlawhna lei chungchanga eirukna an puhna avanga Naypyidaw Court-ah Daw Aung San Suu Kyi tan zawnga thu sawitu a ni a.

Pu Hennry Van Thio hi Military council ten thuneihna an lak hnuah Defence leh security council meeting-ah pawh dam lohna avanga a kal loh thu Military council ten an thuchhuahah an tar lang.

Heng avang hian  kum 2 cham, February 1 nia an buatsaih National Defence and Security Council meeing-ah pawh Pu Van Thio a tel thei lo a ni.

Kum 60 chuang mi sipai pension Pu Hennry Van Thio hgi kum 2015 inthlanpui hman khan NLD Party a ni a. Inthlanpuiah khan a pianna Thantlang township aiawhin Chin State, National Parliament, constituency No. 3 atangin thlan tlin a ni.

…………………………….

Share.

Leave A Reply

Exit mobile version