KNDO-in Walle police station an lak ruala chhanchhuah PDF 9 zinga Burma Youth Network military operation leader Joe-a Khit Thit media-in, an tan dan, chhanchhuah an nih dan leh hmalak zel an tum dan chungchanga a biangbiakna hi han tarlang ila.
Zawhna: A hmasa berin nagmah telin mi 9 chu sipaiten an man dan che min hrilh la.
Chhanna: Leekekaw-a inkahnaah camp hmun kan sawn a, keini pawlah force 30 vel kan awm a, silai kan indaih lo a, chuvangin awmna hmun kan sawn a. Phalu thlang lama Boe Salong te sipai camp kan thleng a. Chutah pawh inkahna a chhuak leh a, ka sipaiten silai an nei lova, silai nei lo chu KNDO headquarters lamah kan thawn a, a then chu Aung Aung Kyaw te ABIA lamah an thleng a. Aung Kyaw leh kei chu inthian tha kan nih avangin, aniin min sawm a, refugee camp-a awm aiin a hnena awm turin leh division khat ang vel min ruahmansak tur thute pawh min hrilh a.
Kan va thlen chuan kan inremsiamna angin thil a kal ta lova, Aung Aung Kyaw chuan, a ABIA-a lut turin min ti a. Chutah chuan ani nen kan hnial buai a, kan chhuahsan a, kan rawn chhuahna kawng Uhkaretha station-ah min man a. Min man dan chu kan motor an phar ding a, motor tlan tam tak zingah sipai officer rank pakhatin min phar ding a, phone a be nghal a, chuta kan hriat dan chuan ‘mi 9 chu an tel e’ tih a ni a. Hmeichhe sam buang pakhat pawh a tel, hmeichhia chute zat, mipa chute zat kan man tawh e, tiin min rawn man nghal a. Tichuan, Walle police station lamah min thawn a, chutah chuan thla 3 leh ni 13 kan awm a ni.
Zawhna: Walle police station in thlenin engtiang takin nge in hlauhthawn?
Chhanna: Walle police station kan thlen tirh chuan kan beidawng hle a, a chhan chu keimah ber lah Burma Youth Network-ah military lam hruaitu ka lo nib awk si a. Min laiin UG ka ni a, ramhnuaia sipai team pahnih ka kaihruai a, ka phone-ah chung thilte a awm vek bawk a. Chu chuan harsatna mi dang tan a siam ka hlau hle a ni.
Kan zinga man tawkah hmeichhe sipaite an tel bawk a. Chungte chu sipai lamin dik lo takin lo ti ta se, engtin nge ni ta ang tiin ka hlauthawng hle bawk a. Ni 15 vel a lo niha ka ngaihtuah chhuah chu engpawh thleng se, a hunah chuan kan sipaite leh kan puten min la rawn chhanchhuak ang tiin ka intipauhkhuah a. Myawaddy lamah min thawn lo hram se tiin kan tawngtawi a, chutah min thawn hma chu beiseina kan la nei nia hriain kan inhnem zel a ni.
Zawhna: Walle police station-in a pek che u ei turah lung leh steel wool zai te a tel tih hriat a ni a, engtin nge chungte chu in ei?
Chhanna: Min man tirh chuan vau chungin zawhna min zawt a, an zinga station officer rank nei police pakhat chuan i naute zawng zawng hi i chungah an nunna a innghat vek a nia tiin min hrilh a. I chhan dan a zir a ni mai tiin min thu min zawt a, min zawhna takte chu pehhel deuhin ka chhang zel a, ABIA nen chiah kan inzawm a ni tiin ka chhang a ni.
Ni 2 chhunga kan chaw ei chu pawn lama an lei a nih a rinawm a, arthi leh thil dangte kan ei a. Walle police station-ah chuan Walle leh Suhkalih tiin station pahnih a awm a, keini chu Suhkalih station hnuaia awm kan ni a. Police officer Hla Thein-a hnuaia hren kan ni.
Chaw min pek chuan a changing chawah changpat te a tel a, sangha ro lu ruh chiah te min pe a, chutah chuan a lungte a awm a, a changin aidu par te lei ngap telin min eitir a, aidu par kan nen chauh ten chaw kan ei a, engtin nge an siam ka hre lo, kan ei thei miah lo.
Kan chaw eiah steel wool them te a lo tel thin a, kan hmu zing khawp mai. A changin theihai rah ringawt kan hmeh a, theihai rah chu Nghapih tui nen pawlhin min pe a, ni khatah chaw vawi hnih min pe, chhun leh zan, zing lamah engmah kan ei ngai lo.
Zawhna: Invuakna te a thleng em?
Chhanna: Kan zinga sipai pakhat chu an vua a, mi dang chu an vaw lo. Station officer Hla Thein-an chu sipai chu tan in inthiarna tur tui chawi turin a tir thin a, a tirh pahin slipper-a vuak, kuta ben, hnek leh pet te chu a awm thin.
Zawhna: Sipai lam lo kalin kut inthlakna a aw mem?
Chhanna: Kan awm lai chuan sipai lam an rawn inrawlh lo, sipai lam chuan phone-in station officer telin police ho chu an rawn be deuh reng a, an hriat duhte an zawk thin bawk a ni.
Zawhna: KNDO-ten Walle police station an rawn beih tukah eng thilte nge in tawn?
Chhanna: June ni 13 zing lam dar 4 pelh vel atangin silai puak ri kan hria a. Inkahna chu a chhuah ve deuh reng a vangin, dan pangngaiah kan ngai mai a. Mahse police station chu an rawn kap zing ta lutuk a, a tir chuan silai auto chi a ni a, station-ah pawh position an inlaktir thawm leh laipui puak ri te kan hria a, kan naute thenkhat chu hlauvin an tap hial a, hmun him tak pawh a awm thei lo. Tan in umei zaman hnuaiah kan tawmkhawm a, a tawpah station a la tih hriat theihna an rawn ham ri a, chutah chuan min rawn chhan a ni tih kan chiang a. Pawn lamah chuan Karen tawnga inbe thawm kan hria a, KNDO lamin kan rawn chhan ta, kan pu te, kan thiante leh kan sipaite an rawn kal ta tiin kan rilru chu a thlamuang ta huai a ni.
Zawhna: Tan in kawngka rawn hawngtu kha tunge? Chu lai boruaka i awm dan chiah min hrilh thei em?
Chhanna: Aw, kan tanna kawngkar rawn hawngtu chu military operation commander sir Ko Win Myint, a ni a, min rawn chhanchhuah hmain he police station-ah lo kalin thil awm dan a rawn enfiah tawh a. Sir Ko Win Myint nen pawh kan inhmel hriat ve deuh bawk a, kan put e han hmuh chu a hlimawm hel a ni. Tan in pawn lam kan thlen chuan tun hmaa ka training pui te, hmuh a, station rawn beitute an ni tih hriat bawk chuan a hlimawm hle a. Beiseina kan nei mang tawh lova, Interrogation camp lama min thawn an tum thu kan hria a, chu hmuna kan thlen chuan kei chu ka tuar saliah dawn lova, mi dang chu an la zia deuh ang, tiin station chhung police pakhatin a sawi a ni. Chutiang huna min rawn chhanchhuak hlim tih ai mahin a nasa zawka, sawi thiam pawh a har zawk, thim chhah tak kara eng hmuh ang vel hi a ni.
Zawhna: Tunah i sipaite nen in 6-in Boe Salong special commando pawl, Sinpyu battalion-ah in awm a, a nih chuan engtia awm chhunzawm zel nge in tum, mipuite hnenah sawi duh i nei em?
Chhanna: Tunah kan rawn chhuak hlim hlawl a nia, mamawh tam tak kan la nei a. Entir nan, ka nauten phone pawh an nei lova, a pawimawh ber pakhat chu sipai battalion-ah kan lut a nih chuan uniform a ngai a, silai a ngai a, chungte chu in tan tiin, mipui lam emaw mi inphalte emawin min tanpui duh a nih chuan Boe Salong hnenah emaw, second commader Phuka hnenah emaw keima hnenah emaw direct pawhin tanpuina min pe turin kan ngen duh a.
Hma lam hun atan tih tur tam tak ka la nei a, chhuak tawh mah ila, awm mai mai ka tum lo. A chhan chu he kawngah hian ka kal tawh a, ka kal leh zel ang, min man chhung thla 30 kha hahchawl angin ka inngai a, chu hahchawlhna thahrui hmangin military council hi ka bei ang tiin kan tiam tawh a ni.
