Sagaing region, Watlet township-a PDF sipai mi 7 te Military council sipai ten an man hnuah an lu-ah an kah hlum thu G.Z special Battalion-a thuneitu pakhat Ko Gyi Zat chuan RFA Media a hrilh.
Heng an kah hlum tak mi 7 te hi Swebo (Sui Bu) District, Watlet township, Sain Niang Lay khaw bulah April 4, zing dar 6:00 vela Yin Taw khua tualchhung mi 5, Military council sipai ten an man Monastry hmuna an khung mek chhanchhuak tura an beihna lama an kah hlum te an nih thu a sawi.
“Ralthuam hman chungchangah an inthlauh em avangin an keah a kah fuh hnuah an kah hlum thu Ko Gyi Zat chuan a sawi a. Monastry hmuna an man tak mi 5 te erawh an tlan chhuak thei a ni.
Heng kap hlumtu Military council sipai te hi Sain Naing Circuit-a opetation Kah Mah Yah (LIB) 364 leh Battalion 33 te an nih thu a sawi zui bawk.
Watlet khawpuia inkah buaina chungchangah Sagaing region-a Military council thupuangtu U Aye Hlaing RFA Media-in an phone-naah eng mah chhanna a awm rih lo a ni.
Assistance Association for Political Prisoners (AAPP) ten an thuchhuah dan angin kum 2021 February 1 atangin kumin 2023 April 4 thleng khan mi 3200 chuang an boral tawh thu an tarlang a ni.
