Sagaing region, WatLet township, SinHnin khuaa hmeichhe naupang 13-te Military council sipaiten an man hnuah an chanchin hriat zui an la nih loh thu tualchhung miten Yangon Khit Thit Media an hrilh a.
June 2 khan Sagaing region, WatLet township chhuah lam Ngyaunkan khuaa Urban Guerrilla Force-Mdy camp chu Military council sipaiten luh chilhin an hal a. Military council sipaiten he camp an hal hma June 1, khan SinHnin khua an hal tawh bakah tualchhung hmeichhe naupang mi 13 an man thu hriat a ni a.
“SinHnin khua leh MinYwa khua atanga feh chhuak Military council sipaite chu pawl 2-ah inthenin PaDauk Chong khua an pal tlang hnuah Revolution-te police station an hal a. Hetia an hal hma ni 2 chhung khan camp chhehvelah Drone hmangin an bomb nasa hle” tiin tualchhung mi pakhat chuan a sawi a.
Military council sipaiten June 1, khan SinHnin khua luh chilhin chenna in an hal bakah Military council sipaiten hmeichhe naupang 13 an man a. Heng hmeichhe naupang 13, an man te hi vawiin thlengin an chin hriat a la ni lo.
Military council sipai operation-te hian InBeGyi khua leh TaungKone khua luh chilhin an kah hnuah NgyaunKan khuaah buk an khuar rih thu hriat a ni bawk.
