July 21-a World Bank-ina thu a chhuah angin, mirethei 40% an nih laiin Military Council ten sorkarna an lak hnu hian mi Maktaduai 50 vel awmna Myanmar-ah hian mi Maktaduai 20 vel an retheih belh leh niin a tarlang a..
Mi pakhat, ni khat thawh chhuah US Dollar 1(1.9 Dollar) hnuai lam la lut te chu mi rethei tiin UNDP chuan a ngai a. Chuvangin Myanmar-ah ni khata K.2000 la lut thei mi Maktaduai 20 vel an awm a ni.
Military Council ten sorkarna an lak hnu kum khat leh a chenveah hian kum 15 liam ta a, Sipai sorkarna dinhmun a thleng leh a. World Bank report hluiah chuan Sipai sorkar hmasa kum 2005-ah khan mi rethei zat chu 48% a ni a.
Nikum khan Myanmar dinhmun hi World level-in ram rethei ber zinga mi a ni a, kuminah pawh a la hnufual ber tho tiin World Bank, palai Mariam Sherman chuan a sawi.
He harsatna, ei in leh retheihna laka Myanmar mipuite tawrhchhelhna chu enchhin mek a nih thu World Bank palai chuan a sawi.
Sum hlutna a tlak hniam avangin eizawnna kawnga thil man (CPI) a sanna hi March thla khan 17% a san thu World Bank chuan a tar lang a.
Nikum khan 18% a thleng hman a, Myanmar economy, tun Budget year-ah hian 3% a san hmel thu World Bank chuan a ring. Tun September thlaah hian Budget year a titawp ang.
Myanmar economy dinhmun hi kumin kumtir atangin a mumal lo tan a, vawiina chhuak Economy thuchhuaha tar lan a nih thu World Bank chuan a ziak lang bawk a.
2010 kuma inthlanpui zawh atangin NLD sorkar chuan hma a la a, Military Council-te tudai turin ram dang investment bakah World Bank tiamin tanpuitute Myanmar ram chhungah an lut a ni.
Kum 2012 khan, World Bank ten Myanmar ram chhungah lutin Office-pui an hawng a, Project an nei zui mup mup a.
Military Council ten sorkarna an lak hnu hian kawng hrang hrangah buaina a sang zel a. July thla tira an thuchhuahah chuan World Bank hian Myanmar Economy dinhmunah beiseina a neih tawh loh thu hriat a ni.
