Magwe(Ma Gui) region, Yesagyo township, Ma U police station PDF ten an beihnaah police officer Mynit Kyaw (Minh Chaw) telin mi 10 an thi a, police station an hal bawk thu Myaing (Miang) NUG PDF thuneitu pakhat chuan Yangon Khit Thit Media a hrilh.
April 3 zing dar 6:00 vel khan Military council sipai te leh police 25 te buk khuarna Ma U camp, tualchhung PDF tangrual ten an beih rawnnaah Military council sipai 10 an thi a. mi dang an tlanchhe nual a, Drone an hman mek te, G3 sipai 1, bomb leh lehkha pawimawh tam tak an laksak nual thu hriat a ni bawk.
“He camp hi Yesagyo pawl ten an laksak tawh a. Camp an hal mek laiin Helicopter 2-in an rawn bei a, hmeichhe awmna an hal hman lo. Military council sipai ten an rinthu beih chiam a” tiin Myaing NUG PDF Cross ten Yangon Khit Thit Media a hrilh a ni.
He police station beihnaah Yesagyo township, Yi Taw khuaa Phyusawhti ten an rawn puih laiin bomb kam hmanga an beih zui thu hriat a ni bawk.
Heng Military council sipaite beitu te hi Myaing township NUG PDF, Myaing PDF, Salingyi Special Task Force(SSTF) te leh MRDA ten an beih rawn a, PDF lam sipai 2 an hliam thu hriat a ni bawk.
