Magwe Region, Gangaw-Kalay motor kawngpui-ah Military council motor kal lai chu Yaw hnam awm tamna Gangaw PDF te chuan nimin August ni 23 khan an lo Bomb a, sipai motor 3 an bomb chhiat thu YDF thuchhuahah an tar lang.
YDF ten, an bomb-naah hian sipai mi 30 vel thi niin mi 15 vel an hliam a. Military council ten RPG-in an bei let ve nain YDF lam, hliam an awm loh thu an tar lang bawk.
Sagaing Region, Tamu vela sipaite tanpui tura kal mek chu nizan dar 4:20 khan an bomb thu YDF General Secretary leh Information Direction U We Soe Thaih chuan a sawi.
Gangaw PDF thuchhuahin an tar lan danin ‘ Sipai motor 8 inzui chu motor 4 kan Bomb chhiatsak a, mi 30 vel an thi a. A hnu lawk, sipai te hnungtawlh zawh rei loteah sipai ten an rawn bei let leh a, sipai mi 2 an hliam thu Direction U We Soe Thaih
chuan a sawi.
He inkahnaah hi nizan dar 11 thleng khan Military council ten thuchhuah engmah hmuh a ni lova. Gangaw PDF te chuan mipuite inveng fimkhur turin a hrilh lawk a. Social Media lam tar lan a tul tawh thu Tachileik News Agency-a Facebook-ah nimin khan an tar lang.
Nizan dar 9:30 vel khan Gangaw Township, Nan Kha khaw chheh velah Drome pakhat a thlawk kual chiam tih hriat a ni.
August ni 10 zan pawh khan Gangaw-Kalay motor kawngpuiah sipai motor kal lai chu YDF ten Truck pakhat an Bomb chhiatsak tawh a. July ni 28 pawh khan Gangaw-Kalay motor kawngpui vekah sipai motor 2 an Bomb chhiaksak tawh thu an tar lang.
