Taninthari (Ta Nin Ta Ri) region, Dawei District, Dawei township, Ye leh Dawei khaw inkar kawng MaungMe Saung khaw bul Phaya Meh check gate-ah PDF tangrualten an beihnaah Battalion commander Kyaw Tu Swe, sniper-in an kah hlum thu Dawei township Ohaw operation te hnen atanga hriat a ni
April 23 zing dar 6:00 vel khan Ye leh Dawei khaw inkar kawng MaungMe Saung khaw bula Phaya Meh check gate-ah PDF tangrualten an beihnaah Khah Mah Yah (IB) 406-a Battalion commander Kyaw Tu Swe telin mi 2 sniper-in a hmunah an kap hlum a, sipai mi 10 chuang an kah hlum bawk thu hriat a ni a.
He inbeihnana thi ta Battalion commander Kyaw Tu Swe ruang leh sipai ruang te Ambulance Motor 2 leh Double Cab Motor-in an thliar thu hriat a ni a. PDF tangrual pawl zingah sipai 1 a hliam na zual a, mi dang 16 te na vak lo an hliam thu Dawei township OhAw operation te hnen atanga hriat a ni bawk.
He check gate an beihnaah chawhnu dar 2:00 vel khan Military council sipaite rawn puitu Military council sipaite Motor-a an kal lai bomb kam hmangin an lo bei nawn leh a, Military council sipai thi leh hliam an awm leh awm loh hriat a la ni rih lo a ni.
He an beihnaah hian OhAw (Dawei township) pawlten an huaihawt a, PDF, Dawei District Battalion 1, Done Battalion, DGRF (Dawei NUG PDF), Eden Mu (Dawei NUG PDF), ZinYaw Battalion (Ziphyu NUG PDF), Mine Force PDF, TanMaNih Piauh Chia Battalion leh Maha Meih Battalion tangrualten an beih rawn thu hriat a ni bawk.
