Mon State, Ye khawpui leh WaBaTe khaw bulah Military council sipaiten an luh chilh a, ni 2 chhung an inbeihnaah Military council sipai 30 an thih tawh thu Albino Tiger Copany-1 hnen atanga hriat a ni a.
May 19 chawhnu chawhnu dar 3 vel atang khan Ye khawpui leh WaBaTe khaw bulah Military council sipai 250 chuangten an luh chilh a, KyaPhyu (Chia Phiu) pawl 2 te leh PDF tangrualte nen darkar 1 chhung an inbeihnaah Military council sipai 19 an thih thu hriat a ni a.
“Military council sipaite thi leh hliam an tam avangin an inpun khawm nasa hle a, mipuite tanghova hmachhawn turin kan insawm a ni” tiin KyaPhyu operation-a thuneitu pakhat chuan Yangon Khit Thit Media a hrilh a ni.
Heng bakah hian May 20, zing dar 8 vela Military council sipaite an tawlh kir hnuah KyaPhyu operation te leh PDF tangrual pawlten bei tura an zawn laiin Military council sipaite pui tura an thian Military council sipaite nen an inbei leh a, Military council sipai 11 an thih thu hriat a ni bawk.
Ni 2 chhung inbeihnaah hian Military council sipai 30 chuang an thi a, hliam tam tak an awm nual thu hriat a ni a, PDF lamah sipai pakhat na vak lo a hliam thu hriat a ni bawk.
