Sagaing region, Ye U, DaBeYin, SweBo leh Khin U khuaah te Military council sipaiten ralthuam liana an beihnaah khaw 30 chuanga tualchhung mi sing chuang an tlanchhiat thu Ye U khua base People’s Defense Comrade information-a thuneitu Thu Khant Zaw chuan Yangon Khit Thit Media a hrilh a.
July 31, zan dar 9:30 vel khan Khin U township atanga chhuak Military council sipai Khah Mah Yah (IB) 708 leh 702 te chuan Ye U township leh DaBeYin township bul vela khua te chu motor 4-in an luhchilh thu hriat a ni a.
Tun dinhmunah hian Ye U leh DaBeYin township-a khaw 20 chuanga tualchhung mipui a sing tel an tlanchhiat nual thu hriat a ni a.
Hetiang vek hian SweBo tlak lama khaw thenkhat te pawh an tlanchhiat nual thu hriat a ni bawk.
Heng bakah hian Ye U khua Tradition damdawi ina Military council sipai buk khuarten a chhehvel khua te chu, ralthuam liana an bomb avangin tualchhung mi an tlanchhiat nual thu hriat a ni bawk.
“Township 4-a tualchhung mi sing khat chuang an raltlan hlawm a, Military council sipaiten Ye U khuaah zanah an luhchilh avangin tualchhung mipui te a zan la lain an tlanchhia” tiin Ye U khua base People’s Defense Comrade information-a thuneitu Thu Khant Zaw chuan a sawi a ni.
