Military council sipaiten ralthuam lian leh te hmanga an beihnaah Sagaing region, Ye U township leh DaPeYin township-a khaw 20 chuangah tualchhung mi 10000 vel, in leh lo an tlansan nual thu an sawi a.
Military council sipai 100 rualten khaw hrang hrangah an luhchilh a, ralthuam lian hmanga an bomb nasat avangin, July 17 atang khan tualchhung mi te an tlanchhiat tan thu Ye U khaw base, People Defense Comrade, information-a thuneitu Ko Thu Khan Zaw chuan heti hian a sawi a.
“Zan lamah an bomb nasa thei hle a, khaw khatah mihring 500 chuang vel an awm mai thei a. Khaw 20 chuanga mipui te tlanchhiain Buddhist school velah an awm nual a, June thla tir atang khan chenna in an hal tan a, tunah hian Khin U khaw chhehvelah Military council sipaite an la awm nual” tiin a sawi a.
July 19 khan Military council sipaiten Laipuia an bomb avangin Ye U township chhim lam zar, khaw 7 leh DaPeYin township chhuah lam zarah khaw 8 chuanga tualchhung mipui te an tlanchhe nasa hle a.
Military council sipaite hi Ye U chhim lamah Buddhist school velah an la awm mek thu hriat a ni a. Raltlante hi an awm darh nuai avangin tanpui dan chungchangah harsatna an tawh thin thu Sagaing mipui chhawmdawl pawla thuneitu pakhat chuan a sawi bawk a ni.
He buaina chungchangah hian RFA Media-ten Sagaing region, Military council thupuangtu U Saw Naing, phone hmanga an zawhnaah chhanna a la awm lova, raltlan zat hi RFA Media-ten nemnghehna an la nei lo bawk a ni.
