Magwe region, Yesagyo township YeLeKyun (Yi Le Chun) khuaah May 26 Military council sipaiten luh chilha an kahnaah naupang 2 telin tualchhung mi 5 an kah hlum thu Myaung (Miaung) PDF zinga Ko NweOo (Nuai U) chuan RFA Media a hrilh a.
May 26 zing dar 6 vel khan Yesagyo township YeLeKyun leh MiLaungKyun (Mi Laung Chun) khuaah Military council sipai 200 rualten pawl 4-a inthenin an kah rawnnaah tualchhung mi 5 an kah hlum thu an sawi a.
Tualchhung mi 5 an kah hlum bakah tualchhung mi, man an nei nual tih hriat a ni a, an man zat hriat theih a la ni lo tiin Ko New Oo chuan a sawi a.
Military council sipaiten Yesagyo khawpuiah ni khat chhungin khaw 5 an hal thu hriat a ni a. Military council sipaiten khawchhung an luh chilh avangin MiLaungKyun khuaah pitar 1, HleyKaoh (Hle Khoh) khuaah nutling 2 an boral a. SinTe khuaah nutling 1 leh MeKone khuaah naupang 2 te an kah hlum thu hriat a ni a.
He chhiat tawhna chungchangah thu chiang zawk hriat theih beiseiin RFA Media-te leh tualchhung miten biak pawh an tum thin a, phone signal leh internet a that loh avangin biak pawh theih an nih loh thu hriat a ni bawk.
Tualchhung mi 5 an kah hlum thu-ah leh tualchhung mi an man nual chungchangah Magwe region, Military council thupuangtu U Myo Aung chu FRA Media-in phone hmanga a zawhnaah chhanna a awm rih lo a ni.
