Magway (Ma Gui) region, Yesagyo township-ah Military council sipaiten cilvil mi 3 an that a, ni 3 chhung an beihnaah khaw 18-a chenna in an hal thu Yesagyo township, Public Administration hnen atanga hriat a ni a.
May 26-28 thleng khan Military council sipaiten Yesagyo township, YeLeKyun (Yi Le Chun) hmunah ni tin an luh chilh avangin khaw 18-a chenna in an hal nual a, tualchhung mi 3 an thah thu hriat a ni a.
Military council sipaiten YeLeKyun khaw chhehvelah chenna in an hal chhiat nual avangin in leh lo tlansan mi 21000 chuangten ei in leh silhfen an harsat avangin Yasagyo township, Public Adminstration-ten chhawmdawlna pe theuh turin mipuite a ngen thu hriat a ni a.
May 26 khan Military council sipaiten pawl 3-a inthenin Yesagyo township, YeLeKyun khua leh a chhehvela khaw 6, May 27-ah khaw 8, May 28-ah khaw 4, In an hal bakah Chindwin tuipui kama Lawngleng 15 te pawh an hal chhiat thu hriat a ni bawk.
Military council sipaiten May 28-a an beih avangin civil mi 3 an boral a, hliam tam tak an awm thu hriat a ni a. Mipui hliamte hi indan nan leh inven nana an hman zui thu Yasagyo Public Administration pawlten an thuchhuahah an tar lang bawk a ni.
