Magway region, Yasagyo (Yi Sa Chu) township, YeLeKyun (Yi Le Chun) hmunah Military council sipaiten tualchhung mipui 5 an that a, ni 4 chhungin khaw 25-a chenna in 656 an hal chhiat thu Yesagyo township PDF pawla thuneitu pakhat chuan Yangon Khit Thit Media a hrilh a.
May 26 atang khan Yesagyo, PaKukKo, MinChian khuaah Military council sipai 250 rualten pawl 3-a inthenin an luh chilh a, Yesagyo township, YeLeKyun khaw chhehvela tualchhung mi 5 an thah hnuah chenna in a hal chhiat nual thu hriat a ni a.
“A then chu khawchhungah lut chhuak a, mipuiten khawchhung an thian fai bawk a. Mipuite ei leh inah an harsa hle a, chenna in an hal nasa hle a. Tualchhung mipui 5 an thah hnuah mi 2 an that nawn leh a. Hmeichhe 2 leh mipa 3 an that bawk” tiin Yesagyo township PDF thuneitu pakhat chuan Yangon Khit Thit Media a hrilh a ni.
May 27,28 hian heng chenna in zawng zawng an hal chhiat thu hriat a ni a, Military council sipaite hian chenna in an hal chhiat bakah bungrua an laksak nual a. Khaw 25-ah chenna in 656 an hal chhiat avangin ei leh inah an harsat thu hriat a ni bawk.
