Magwe (Ma Gui) Region, Yesagyo township, Tetaw Buddist puithiam school-a Military Council te buk khuar lawk te chuan July 8, zan 6:30 vel khan Yesogyo Revolution Group-YRG pawla tualchhung PDF sipai pakhat, an kah zui hnuin an man thu YRG pawl thu puangtu Ko Zero chuan Yangon Khit Thit Media a hrilh.
Hetia an man hnu hian tal chhuah ngaihna a hriat ngang tawh loh avangin a ralthuam pai mek tualchher Bomb 3 hmangin a mantute a thihchilh a, Military Council lam mi 7 an thi nghal a, mi 8 te chu Pakhangyi (Pa Khan Chi) Civil Hospital-ah phur luh an nih hnuin an thih zui thu hriat a ni.
“He PDF sipai tleirawl hi a luhna a la rei lova, a Training ve hman rih lo. Chakkhai petu niin khawchhung Duty ang a la ni a. Zing lama kan inkah buai thu pawh a hre lo. An khaw lama haw tur Tetaw khuaa Military Council te Camp awm thu a hre lova. Buddist puithiam school a pal tlang hnuin Military Council te an kap a. A Bike kap fuhin a tlu a. Engmah tihngaihna a hriat tawh loh avangin tualchher Bomb 3 hmang chuan Military Council-ho a thihchilh ta a, mi 15 an thi a. Buddist puithiam school-ah mi 7 an thi nghal a, Pakhangyi Civil Hospital leh Clinic danga thi te nen chuan mi 15 vel an ni ang. Hliam tuar Military Council te pawh khawi Clinic-ah mah an pan ngam lova, mitthi ruang te pawh a tuk khawvar hnuah Pakukko atanga Motor 3-in an thliar ta a ni” tiin YRG thu puangtu Ko Zero chuan a sawi.
PDF sipai boral ta ruang leh Tetaw khuaa Military Council ten an kah tum a, lung lam chian loh avanga boral ta tualchhung mi 2 ruang te chu Buddist puithiam school hmar lamah Military Council ten a hal thu hriat a ni.
Khawchhung veng hlimtu PDF sipai boral ta hi Yesagyo Relolution Group-YRG pawl ten zahna chibai an buk a, a hming leh a thlalak te hi a chhungkhat unau te, ven thawn nan tiin tar lan a nih dawn loh thu YRG thu puangtu Zero chuan a sawi.
July 8 tuk vekah khan Military Council te leh Yesagyo Revolution Group-YRG te an inkap nasa hle a, Military Council lam, thi leh hliam an awm nual a Military Council te hian . Tawchong chhuahsanin Yuabonegyi (Zua Bong Chi) school-ah buk an khuar rih thu hriat a ni.
