Sagaing region , YinMaPin township, SoneChaung khuaah Military council sipaiten pawl 2-in an luhchilh a, CDF sipai 3 leh tualchhung mi 11 te chu an huhovin an thah hlawm thu YinMaPin base, Bo Tun Tauk-BTT LPDF battalion-a thuneitu pakhat chuan Yangon Khit Thit Media a hrilh a.
July 21, zing lam dar 2 vel khan YinMaPin township, Aung Zi Ya Kone khua atanga chhuak Military council sipai 100 te chuan a rukin khawchhungah an luta PDF sipai 3 an nghawng an tansak a, a hnu lawkah tualchhung mi 11 te a huhovin an that thu hriat a ni a.
“Ruang 14 chu hmuh a la ni lova, duty mi 3 erawh an nghawng an tansak a, tualchhung mi an man nual mai. Khawchhungah a rukin an rawn luta silai ri vawi 2,3 chu kan hria, thi zat erawh kan hre tawh a, mi eng zat nge an la man kan la hre thei rih lova, SweTaung Oo Kone khaw lamah an hruai a, a khaw hmar lamah an bomb nasa khawp mai” tiin YinMaPin base,Bo Tun Tauk-BTT LPDF battalion-a thuneitu pakhat chuan Yangon Khit Thit Media a hrilh a ni.
SoneChaung khua hi Military council sipai General Mya Thet Oo awmna khua a ni a, kumin March thla khan Sr. Gen. Min Aung Hlaing-an a ban a, a chhung te chu hmun dangah an dah a. He khua hi Aung Zi Ya Kone khua atanga mel khat vel hlaa awm a ni a, tunah hian Military council sipaiten buk an khuar mek a ni .
