Kaya State, BawLaKhe District YwaThut khuaah Military council sipaiten June thla chawhnu atangin tualchhung mi 600 vel an dang bet a, chung zinga tlanchhuak mi 6 te chu Military council sipaiten an kah hlum thu KayinNi raltlan tanpuitu zinga thuneitu Ko BaNyiang chuan a sawi a.
“YwaThit khuaah hian mihring 1200 chuang vel an awm a, he inkahna avangin mi 600 chuang an tlan chhuak a. Military council sipaiten pawn chhuah an phal lova, tualchhung mi 6, an kap hlum tawh”
June 27 khan mi 2 an that a, a hnuah an that zui leh a ni tiin Ko BaNyiang chuan a sawi zui a. YwaThit khuaa Military council sipaiten an dante an kah hlum chungchangah Military council-ten an thuchhuah an tar lang lo a ni.
Military council sipaiten Jun 27-a camp thenkhat an laksak thu erawh an tar lang thung a. He inkahna avang hian Thailand ram lamah mi 9000 chuang an tlanchhia, ramri kam velah mi 2000 chuang raltlan an awm thu KayinNi, human right dintu Ko BaNyiang chuan a sawi a ni.
