ZORO pawl ten Myanmrar raltlante tan Silpaulin an sem

0

Mizorama Myanmar raltlante an tawm hul leh zualna atan tiin Mizorama awm Zo Reunification Organization (ZORO) pawl ten Silpaulin an sem nual thu hriat a ni a.

Mizoramah Myanmar raltlante an pung chho zel a. in tawm hulna tur an mamawh zual avanga tanpui an beisei angin Zo Reunification Organization (ZORO) pawl ten April 18 khan Silpaulin an sem thu an thuchhuahah an tarlang a ni.

Heng Silpaulin te hi Champhai District Farkawn khuaa raltlante tan ZORO pawl aiawh Tuipui Group YMA President PU Papuia’n April 17 khan a hlan thu ZORO thuchhuah chuan a tarlang a ni.

Heng bakah Aizawl District huam chhung Myanmar raltlante awmna hmun Nghalchawm, Sihhmui, YHAI leh Durtlang raltlan camp-ah Indai pawisa nuai 2, Buhfai, Alu leh naupang zirna tura an pawimawh chi hrang hrang ZORO pawl ten an hlan thu hriat a ni bawk.

ZORO pawl hi India, Myanmar, Bangladesh bakah khawvela Zo hnahthlakte insuihkhawm tura hmalatu pawl lian tak an ni a, Mizorama pawl lian tak pakhat a ni bawk.

Share.

Leave A Reply

Exit mobile version