ZRA ten mipui invenna hmanrua an laksak chungchanga PDF-Zoland te thuchhuah

0

Chin State, Tedim township-a mipui ten harsa chung chunga an lei invenna hmanrua ZRA ten an ruksak thuah mipui hnenah an pek kir leh loh chuan a tul angin kan thungrul dawn a ni tiin PDF-Zoland ten October 16, khan an thuchhuahah an tarlang.

October 14 khan Manipur luipui, Mansuang Lei-a ZRA pawl ten Revolution atana an hman tur ralthuam phurtu mi 2-te sawisain an ralthuam an laksak nual a. A tuk October 15 khan Saizang khuaah luh chilh lehin tualchhung mipuite check-in an rikrap nasat thu hriat a ni.

Khawchhung tibuai lo zawnga, an mansak ralthuamte Khaw luh hmaa dah leh turtin PDF-Zoland thalai ten phone-in an be rawn a, an duh lo va. An Bike hmante hnutchhiahin kein an tlan chhuah thu hriat a ni.

Heng an Bike hnutchhiah te hi Tedim Administration Office-ah an dah that thu hriat a ni.

ZRA pawlte hi October 16, zing dar 8:00 khan Saimual khua atangin Lung phur Motor pakhatin Military Council sipaite Duty-na Tedim School hnuai kawng pal tlangin ral leh lamah an tlanchhiat thu hriat a ni.

ZRA pawlte Bike hi Run Leidawh (Man Saung) hmunah an ralthuam laksak nen thleng leh turin an an ngiat a. An pek kir loh chuan ZRA pawlte hi terrorise pawl tiin leh Military Council-te thlawptuteah ngaih an ni ang a, a tul angin action kan la dawn tiin PDF-Zoland ten an hriattir.

Tedim township,Tawnzang township leh Kalaymyo khawpuia ZRA pawlte thlawp reng reng mi tu pawh Revolution lakah ven hlim an nih dawn loh thu PDF-Zoland ten an thuchhuahah an tarlang.

Share.

Leave A Reply

Exit mobile version