Military council puipa ber Russian Institute of Oriental Studies-in Doctorate Award an hlan

Mipui chhawmdawlna chungchangah leh ram chung hmun hrang hranga hmasawnna kawnga hmalatu tiin Military council puipa General Min Aung Hlaing chu April 4 khan Russian Institute of Oriental Studies-in Doctorate Award an hlan thu Military council news chuan a tarlang.

Myanmar-a ram leilung fate inlungrualna, mipui hmasawnna te, ramchhung changkanna science leh technology tiamin Russia federation nen inpawh tawnnaah hma a sawn zel tiin Institute of Oriental Studies chairman-in an fak thu a sawi.

He chawimawina  min hlan hi keima chauh min hlan lova, kan thawhpuite vang a ni tiin General Min Aung Hlaing chuan a sawi.

Military council ten thuneihna an lak hnu hian Military council leh Russia te sumdawnna, ralthuam leh kawlphetha chungchangah hmalakna an duang dun nasa hle a. Hetia hma an lak dunaah US leh Europe ram ten ralthuam tawlh luh leh sumdawnna chi hrang hrang an tihtawpsak vek a.

US sorkar chuan Myanmar Military council ten Rohingya mi te chunga Genocide an tih mihring suatna chungchangah Crimes against Hunmanity dan pela a chet thu kum 2021 khan a puang lo tawh bawk a ni.