Pa Zin Chi khuaa chhiatna rapthlak tak chungchangah Myanmar mi ten US Foreign Office kawtah band an huaihawt


Sagaing region, Kanbalu (Kanh Ba Lu) township, Pazingyi (Pa Zin Chi) khuaah April 11 khan Military council sipai ten Thlawhnaa bomb an thlak thut avangin naupang 30 telin mi 130 vel an boralna chhungchangah US rorelna hmunpuia NDAA-ah an pu lut nghal a. Myanmar ten chhiatna rapthlak tak an tawhnaah action la thuai turin Myanmar mi ten US Foreign Office-ah open letter hmangin an ngen thu hriat a ni.

Open Letter hmanga an ngenna thuah band huaihawt zinga an hotu Ko Ngian Win-an Ko San Man a zawhnaah hetiangin an chhan thu hriat a ni.

Ko San Man chuan, “Kan ngenna hi chi 4 a ni a. 1-naah chuan Pazinchi khuaa thil thleng leh nikuma KIA huam chhunga thil thleng ang kha thleng tawh lo se. PDF te leh mipuite invenna tur alarm system te NDAA hnena kan dilna te min tanpui tura ngenna a ni a.

2-naah chuan “MOGE kan tih tuialhthei leh gas lak luhna titawp thuai turin US ten hma la thuai turin tih te,  

3-naah chuan  “Thai atangin Thlawhna tui tawlh luh khap thuai ni se. Thlawhna tui an neih loh khan mipui te kan him phah dawn a ni” tih te,

4-naah chuan “Raltlante leh pawi sawi lo mipuite NDAA Act anga tanpui a nih theih nan te a ni a.

United States Department of State ten eng tin nge an chhan tia a zawhnaah Ko San Man chuan “Department of East Asian and Pacific Affairs, Ministry of Foreign Affairs Mr. Liam McGum a sawi angin hetia chhiatna a thlen thut rual hian thil thlen dan te, thlalak te leh Video file te min rawn thawn nghal zung zung a, a rang thei ang berin tanpui vat kan tum ang” tiin a chhang a ni.

A nih leh Washington DC khawpuia White House leh Foreign Office-ah tanpuina dilin i lut chhuak ngun tawh hle a. Hemi chungchangah US sorkar hian eng tia hmalak nge i beisei tia a zawh lehnaah Ko San Man chuan “US House of Representatives leh United States Senate bakah Parliament ten an pass NDAA-a telh, Burma Act hi puitlin turin hmalak mek a ni a. Ramria awm mek raltlan te leh ram leilung fa ralthuam keng pawl EAO te bakah mipuite tanpui thuai turin kan dil mek a ni” tiin a chhang a ni.