Southeast Asia ram insuih khawm pawl ASEAN Foreign Minister te Meeting chu July 11 atang khan Indonesia, Jakarta khawpuiah rorel tan a nih thu hriat a ni a.
ASEAN Foreign Minister te Meeting hi July 11-14 thleng a awh dawn a, Myanmar chungchang buaina chin fel a nih theih loh avang leh China chhim lam buaina awm lai tak a nih avangin an rorelna turah beisei a awm thu rin a ni a.
Thenkhatte rin dan chuan Myanmar buaina chungchang an rel tel an ring leh lo va, Military council sipaiten thuneihna an lak hnu khan Common Agreement points 5 pawh, kum 2 pumhlumah hmalak a la ni lo tiin an sawisel ve thung a ni.
Hun khaihlak chhunga NUG Acting President Duwa Lashi La chuan Myanmar ram buaina chungchangah ASEAN Chairman Indonesia a nih lai hian hma lak thuai a tul thu VOA Media-ten an zawhna chhangin a lo sawi tawh bawk a.
ASEAN Foreign Minister te Meeting hun chhung July 13,14-ah hian Asia chungchang an thlur bik dawn a, he Meeting-ah hian US Foreign Minister Antony Blinken leh Russia Foreign Minister Sergei Lavrov te an sawmna angin an tel theih dawn thu hriat a ni bawk.
