Vawiin March 11 chhun khan National Administrative Council (NAC) chuan media hmaah press conference a nei a, vote chingpen chung chang, CDM chungchang leh thil dangte sawi fiahna an nei.
Sipai thupuangtu Brig. General Zaw Min Tun-a chuan NLD chairman Daw Aungsan Suu Kyi-in sawrkar hruaitu a nih lai khan chief minister pakhat hnen atangin dan mil lovin US $ 600000 leh rangkachak a dawng tih a sawi a.
“February 1-a State Councellor Daw Aungsan Suu Kyii leh President U Win Myin-a te house arrest-a hren an nih hnu khan thil thleng chi hrang hrang hriat nan Union minister thenkhat te, Chief minister thenkhat te leh sawrkar ministry / Department mawhphurhna neitu thenkhat te thu kan zawt kual kan zawt kual a. Chutah chuan Yangon Chief Minister hlui U Phiu Min Thein-an Daw Aungsan Suu Kyi-i nen an inkungkaih dan a rawn sawi chhuak ta a. Thu dik a ni thei em tih hriat nan vawi tam tak zawh nawn zawh nawn a ni a, chuta a sawi dan chuan 2017 December atanga 2018 March inkar khan amah ngeiin Daw Aung san Suu Kyi-i chu U.S Dollar nuai 6 leh rangkachak buk 7 a pek thu a sawi” a ti. Chutiang thu chu kan hriat tak avangin Thamna Dotu Pawl kutah endik turin kan dah a ti.
Daw Khin Kyi Foundation chungchang pawh sawiin ram pawn lam NGO, Company leh mi mal atangin donation an dawng a, ram 13 atangin dollar billion 7.9 chuang an dawng a, Dollar billion 6.8 an hmang tawh a, a bang billion 1 a awm. Ram chhung atangin 36 billion an dawnga 30 billion an hmang a, hman bang billion 6 a bang bawk a. Ram chhung NGO dan milin sum hi an hmang chhuak em tih endik mek a ni, a ti.
Credit: The Strait Times, MRTV.
