Kum 2017 khanMilitary council silai ten khawchhung then fai nan tiin Rakaine State hmar lama Muslim mi nuai 7 chaung Bangladesh-a an raltlan zingah mi 1000 vel Military council sipai ten dawngsawng leh turin an inpuahchah leh thu an sawi a, dan zawm te chu duhsak bik an ni ang tiin Military council thupuangtu Major General Zaw Min Tun chuan VOA media a hrilh a ni.
“Bangladesh lam nen kan inbiak remna tum 2 a ni tawh a, dan leh hrai zawm te chu duhsak bik an ni ang a, Myanmar lam chuan kan inhawng reng a, kan thlir reng a ni” tiin a sawi a ni.
Rakhine State hmar lam security camp-a ARSA pawl ten an beihnaah Military council sipai ten then fai hna an thawh avangin Rohingya mi 7 chuang Bangladesh-ah an raltlan thu UN chuan a sawi a. Henga raltlan te hi Maung Taw township, Bu Ti Taung township leh Yatit Taung township-a mi te an ni a. An chhung te hnenah inbiak remna a awm theih chuan an awmna ngaiah awmtir leh an ni ang tiin Military council thupuangtu chuan heti hian a sawi.
“Keini lamah chuan a zalen lohna a awm hran lo, Lu Phu Kong camp-ah awmna tur kan buatsaih vek tawh a, mi thenkhat te chu an awmna tur ruat sa hial a ni. An rawn kir thuai kan beiseia dan kan siam anga zawm te chu camp-ah dah hmasak an ni ang” tiin a sawi a ni.
Heng bakah hian Rakhine State, Maung Taw khawpui hmar lam. Basngladesh leh Myanmar ramri Taung Pyi Le Wei camp. Kyaing Chaung camp leh No.2 camp-ah te pawh awmna tur an buatsaih thu hriat a ni bawk. Bangladesh-a raltlan te tan englai pawhin kan welcome reng a, thla liam taah khan Rakhein State hmar lam raltlan camp-ah Social Workers Relief and Resettlement Minister Dr. Thet Thet Khaing. Immigration Minister U Myint Kyaing leh International Cooperation Union Minister U Ko Ko Hlaing ten an tlawh a, an sawiho tawh a. Dan siam angin an kir chak tawh thu Cox’s Bazar-a awm raltlan zinga U Maung Maung chuan heti hian a sawi.
“Tunah rih chuan eng mah thawm an la hre lo. Lo kir dawn ta ila, a awm sa te, entirnan kum 2012-a harsatna avanga raltlante tan awmna an la buatsaih loh chuan, eng tin nge kan awm tak ang. Khawvel hriata an hming lantir duhna niah ka ngai” tiin a sawi a ni.
An sawi anga, awmna tur an buatsaihna hmunah zalen tak leh hnathawhna a remchang a nih chuan kir leh pawh pawi kan ti lo tiin Rohingya mi ten an sawi a. Hetia Bangladesh-a raltlan te kir leh tur hian NLD sorkar lai khan ram 2-te in biak remna angin raltlan mi 3450 te kum 2019 August 22 khan dawngsawng tura an tih a ni a, tu mah an kir rih lo a ni.
