Sagaing region, Banmauk township, ChuangLe khaw bula inbeihnaah Military council officer pakhat telin sipai 20 vel an thih thu Banmauk Revolution-BR Battalion pawla thuneitu pakhat chuan Yangon Khit Thit Media a hrilh a.
May 24 khan Banmauk township, ChaungLe khuaa Military council sipaite buk khuar mek te chu PDF-ten an kah chilh a, Military council sipaite thi leh hliam an tam avangin Thlawhnain an bomb zui a, ChaungLe khau an chhuahsan hnuin ChaungLe khaw bul PhaYa Taung hmunah buk an khuar zui leh thu hriat a ni bawk.
He inbeihnaah hian Military council sipai officer a thi a, a ruang an buaipui laiin PDF-ten an kah chilh nghal a, Military council sipai 20 vel an thi a, chumi thinrim chuan Thlawhnain an bomb nasa hle a, PDF-ten ChaungLe khua an laksak thu hriat a ni a.
ChuangLe khaw bula ni 6 chhung inbeihnaah hian Military council sipaite thi leh hliam an tam avangin Military council sipaite pui tura rawn kal, Inntaw township atanga chhuak Military council sipaite chu HmawTaih, YwaTharYwa (Yua Ta Yua) leh KyunTaw (Chun Taw) khaw bulah ABSDF leh PDF tangrualten an lo lambun a, hliam an awm nual a, Thlawhin an bomb zui thu hriat a ni bawk.
