Chin mipui veng himtu pawl CDF-Kanpetlet Battalion 5 (Khawnu Battalion) tan Laipui lei nan sum zawnna buatsaih a ni a, ‘Se pakhat neih, khawnu tan’ tiin lucky ticket an buatsaih a, March 20 khan an zawrh chhuak tan thu hriat a ni.
He ticket hi March 20 atangin April 20 thleng zawrh chhuah tur a ni a, ticket pakhatah Kyats 10000 man a ni a, a man fuh tan Se pakhat a hlawh dawn a ni.
Sial hi Chin mi te tan sakhuanaah leh puithunaa an serhhran zinga mi a ni a, hmasang pi pu tena an ngaihhlut ran chungnung bik a ni.
Chin mi ten an fate ngaihhlut leh chawimawina atan Sial hi an hmang thin a. Nupui pasal an neihah leh indanna turah pawh an ngaihhlut ber a ni.
Hetia lucky ticket hmanga Sial an hmanna chungchangah a hlutna a sang hle a, a man fuh tan vanneihna ropui tak a ni dawn a ni.
CDF-Kanpetlet ten sum zawn nana lucky ticket 4 bakah lawmman dang chi hrang hrang an buatsaih a. Pakhatnaah Se chal Kyats nuai 10 man pakhat, pahnihnaah smart phone Kyats nuai 5 man pakhat, pathumnaah guiter Kyats nuai 2 man pakhat, palinaah Charles & Kate Bag Kyats nuai khat man bakah kawr Kyats nuai khat man leh nuai hnih man hlan an nih dawn thu hriat a ni.
Ticket lei duh te tan Khawnu Battalion Facebook, https://www.facebook.com/Khonu-Battalion-103509865419629/-ah dawr theih a ni ang.
