Karen state, Myawaddy district, Walle Myiang sub-township-a military council sipaite inkulhna ဥကရစ်ထ camp chu VENOM operation hmanga laknaah a awma kah fuh tawka thi tak deputy sergeant We Lin Aung (or) Zaw Win Thut chu National Unity Government (NUG) Defense Ministry-in People’s Hero awrd an hlan thu hriat a ni.
Deputy Sergeant We Lin Aung chu sipai thuneihna dodalin nikum 2021, August ni 2-ah CDM zamin ralhmatawngah a tel a, mipui sipaite nen tangrualin sipaiho a bei a, kumin June ni 26-ah ram tan a nunna a hlan ta a ni.
Ani chu officer silai telin silai pahnih la chhuakin CDM a zawm a, sipai thuneihna dodal zel a duh avang leh ram tana CDM a zawm mai bakah a tawp thleng do tuma nuna hial a hlan tak avangin, mi huaisen chawimawina lawmman chu deputy sergeant We Lin Aung hlan a nih thu People’s Goal pawlin thuchhuah an siam a.
Karen National Union (KNU) brigade 6 area, Walle hmuna military council sipai inkulhna camp chu KNDO special commando pawlin VENOM Operation kalpuiin an la a, June ni 26 zing lam dar 5 atanga inkahna chu June ni 27 chawhnu lam thleng awhin a nasat hle thu hriat a ni.