Sagaing region, Chaung U township, KanSi khuaa Phyusawhti camp an beihnaah police 2 an thi a, Phyusawhti sipai 12 an man thu We Must Win rawlrala che pawla thuhneitu pakhat chuan Yangon Khit Thit Media a hrilh a.
June 13 zing dar 6:30 vel khan Chaung U khaw tlak lam KinMonDaw Phyusawhti khaw kiang KanSi khua Phyusawhti camp, an luh chilhnaah zing dar 10:30 vel khan camp an laksak a, Phyusawhti hmeichhia 7 leh mipa 5 an man thu hriat a ni a.
“KinMonThraw khaw atangin an thianten an rawn pui bawk a, chungho chu bomb kam 2 puakin police 2 an thi a, hliam an awm nual bawk. Military council sipaiten mihring hloh aiin ralthuam an ngaipawimawh a, an thian rawn puitute kan lo chang a, an tlanchhe hman” tiin We Must Win rawlrala che pawla thuneitu pakhat chuan Yangon Khit Thit Media a hrilh a.
He inbeihnaah hian We Must Win rawlrala che pawl, MonYwa District Battalion 5, Battalion 15 CRA company 1, BanDuLa pawl, MinMu Current pawl, ONE LPDF, A-Ngia Maing pawl leh A-Ngia Revolution pawl-ten an beih rawn a, Phyusawhti sipai an man te hi sawisa lovin Township NUG, PDF hnenah an dah thu hriat a ni bawk.
